Samira Mehdiyeva Kimdir?

Plexr cihazı təbii plazma texnologiyası ilə çalışan İtaliya istehsalı olan patentli tibbi cihazdır. Plexr istifadəsi zamanı proses olan bölgədə qaz halında olan azot və su buxarının yüksək enerjisi ilə əmələ gələn plazma ilə prosedur icra olunur. Yaranmış iyonlar vasitəsi ilə cildimizə təsir edərək yenilənməni təmin edir.

Ən çox verilən suallardan biri isə prosedurdan sonra iz qalırmı? Bütün tibbi,cərrahi və qeyri cərrahi müalicələrdə olduğu kimi, müdaxilə olunan bölgədə reabiltasiya müddəti bitdikdə az qızarıqlıq olur , bu qızarıqlıq da dərinin yenilənməsinin bir parçasıdır və zamanla aradan qalxır. Yəni heç bir əks göstəriş və iz saxlamır. Orijinal cihaz, düzgün prosedur və prosedur sonrası düzgün baxım olubsa heç bir halda qızartı və ya ləkə qalma ehtimalı yoxdur.

Plexrlə olunan prosedurların (əməliyyatsız blefaroplastika, burun kiçiltmə, full face, post akne və s.) reabiltasiya dövrü 7- 14 gün olaraq dəyişir. 7- 14 gün olmasının səbəbi prosedur zaman plexr cihazı  ilə nöqtəsəl toxunuşlar olduğu üçün orada qabıqlanma baş verir və bu qabıqlanma 7- 14 gün ərzində tam şəkildə aradan qalxır.

Plexr cihazı ilə olunan prosedurlardan əməliyyatsız blefaroplastika və burun kiçilmə proseduru üçün verilən ən çox suallardan biri qalıcılığın  nə qədər olmasıdır? Burun kiçiltmənin qalıcılığı ömürlükdür, əməliyyatsız blefaroplastikanın qalıcılığı isə 5 – 7 il olaraq təbii yaşlanma ilə əlaqədar olaraq dəyişir.

Plexr cihazı ümumilikdə 50’dən çox prosedur etmə imkanına malikdir. Lakin kosmetoloji və dermatoloji sahədə biz xalların, papilomaların, yağ bezlərinin, ksentalazmanın,  ləkərin, çillərin, çapıqların,  qırışların və s. bu kimi prosedurların icrasını edirik.

Pasiyentin istəyinə uyğun olaraq bu proseduru yay aylarında etmək mümkündür, lakin məsuliyyət tələb edir. Çünki günəş şüaları aktiv olduğu üçün qorunmadığı halda eritemanın 5-6 ay qalma ehtimalı böyükdür. Bunun üçün plexrlə icra olunan nahiyəni günəş şüasından qorumaq lazımdır. Günəşə çıxmadığı və SPF vasitələrlə qorunduğu halda problem olmaz.

Əməliyyatsız blefaroplastika artıq dərinin cərrahi və ya plexr cihazı ilə qeyri cərrahi yolla aradan qaldırılmasıdır. Plexr cihazı ilə olunmasının müsbət yönləri çoxdur. Çünki kəsik, narkoz, qanama və əməliyyat sonrası çapıq izi qalma kimi mənfi yönləri yoxdur. Reabiltasiya dövrü daha azdır. Amma qeyd etmək lazımdır ki, bəzi xəstələrdə cərrahiyə ilə əldə edilən 1 seanslıq nəticəni Plexr cihazı ilə 2 və ya 3 dəfəyə almaq lazım ola bilər. Plexr cihazı cərrahiyəni əvəz etmir, sadəcə alternativ qeyri invaziv metoddur və cərrahların gördüyü işi asanlaşdırmaq üçün mövcud olan texnologiyadır.

Bu prosedurlar üçün standart yaş həddi yoxdur. Ancaq  doktorlar tərəfindən burun kiçiltmə 18 yaş üstü , əməliyyatsız blefaroplastika isə 40 – 45 yaşlarında edilməsi daha məsləhət görülür.

Plexr cihazı İtaliyanın GMV şirkətinin istehsalı olub, dünyanın 60-dan çox ölkəsində həkim dermatoloqlar və plastik cərrahlar tərəfindən istifadə olunan patentli, əmtəə nişanına sahib, FDA təstiqi olan cihazdır. Əfsuslar olsun ki, bütün dünyada olduğu kimi ölkəmizdə də bu cihazın adını istifadə edən bir çox orijinal olmayan ucuz texnologiyalar vardır.

Orijinal cihazın 2 modeli mövcuddur: Plexr Pro, Plexr Plus (daha əvvəlki dövrlərdə Plexr Cubo modeli də mövcud olub). Prosedur etdirmək istəyərkən cihazın orijinallığını dəqiqləşdirmək üçün ilk növbədə cihazın dizaynını (Rəsmi Distributor Mesa Group MMC) dəqiqləşdirmək, istifadəçinin sertifikatını (Rəsmi Distibutor Mesa Group MMC-nin təstiq və təqdim etdiyi) yoxlamaq lazımdır.